FILASTROCCHE
   



Trata tratola
Trata tratola
La mama la va a scola
Al papà al va al bosch
Al porta a ca la mica e l’os
E na rama ad sanguanin da batag al cu al me fiulin


Trata burata
Trata burata
na conca d’insalata
l’insalata bianca
e tut al mond al canta
canta il gallo
ag risponda la gallina
la mama Tumasina
la vena e la fnestra
cun tre curon in tèsta
cun tre curon in man
ciapa la cua dal mè can


Dalin dalon
Dalin dalon
Ghe mort Tugnon,
Tugnon ad Paviia,
ghe mort la striia,
la stria ad Milan,
ghe mort un can,
l’è un can rabius
ghè mort un tus,
tus tusot
ghe mort la dona ad bigulot.


Droma e riposa
Tri angial da pe, tri angial da co
La Madona immès cad-disa:
"Droma e Riposa",
abbiag pagura ad ninsuna cosa,
e se ad man ta ta sviggi pu
ad racumandi, al bon Gesù.


Sutta al pont ad Turtonna
Sutta al ponta ad Turtonna
I impastavan l’erba bonna.
Quatar don in tun marcà;
iunna la cusa, l’altra la taia
l’altra la fa i capè ad paia
l’altra la fa i capè ad fiur
riverisco siur dutur.
Siur dutur la fai la suppa
La so dona al-la mangia tutta,
la fai per di i so rason
e la limpì in cai calson
la per dig i so rispèt
e la limpì incasì al lèt.


Da-da-tra i campang
Galiaula, Galiaula
tri can e un gat in taula
Lumè, Lumè
Tri gat e un can in pè.


Tunin Gambin
Tunin gambin
la suppa cul vin
la suppa cul brod
Tunin ga-l-gob.


Sartiranna tèra pianna
Sartiranna tèra pianna
Val e Cos
Jen tu-c balos
I poc bon calghè
Jen di spasapulè.


Tron Tron cavalon
Tron tron cavalon
Va a Pavia a pià al bumbon
Va a Pavia a caval ad dla stria
Tron tron Pavia
Tron tron Pavia.


Don-na Curo-na
Don-na curo-na
Lè San Pedar calla son-na
Son-na sunanda
langial, l’arcangial.
Iarcangial, l’urasion
La Madona l’è in snugion ,
le andai dla siura Clara
a fas imprasta la so scala,
la scala dan-da’ in ciel
a trua’ San Michel ,
San Michel l’e bela mort
Ghè nissuna da andà a corp.
Ghèra ammà si tri anglin
Chi purtavan al canistrin.
Pin ad ros e pin ad fiur
Da purtag al nos Signur.
Al nos Signur an na vo miia
Dèghi innura a Vergin Maria.
Vergin Maria l’e in tal pra
Tuta bèla scunsulà.
Cul carbon suta la lengua
Viva viva chi all’imprenda .
Chil-la-sà e chil-la dis,
l’andra in paradis .
Chil-la-sa e al-la disa no
L’andarà a ca ad Babò.



Filastrocche, nenie e preghiere popolari lomelline.


Nadia Mazzocco 

Home